जापानको ठुलो क्षेत्रमा भारी बर्षा-बाढी, पहिरोबाट सावधान रहन सूचना

 

टोकियो, जापान ।

आईतबार र सोमबार पश्चिम जापानदेखी उत्तरी जापानको ठूलो भागमा मौसम प्रतिकुल हुने भएको छ । जापानको मौसम विज्ञान एजेन्सीका अनुसार मेघ गर्जन, चट्यागं सहित भारी सम्भावनाको जोखिम रहेको छ ।

भारी वर्षाका कारण समुन्द्र सतहदेखी कम उचाइको क्षेत्रमा डुबान र नदीहरूको बहावका कारण बाढीको कारण प्रकोपहरू निम्तन सक्ने भएकाले सतर्क रहन मौसम अधिकारीहरुले आग्रह गरेका छन् ।

जापान मौसम विज्ञान एजेन्सीका अनुसार कालो बादल र चिसो हावाको प्रभावले वायुमण्डलीय अवस्था व्यापक क्षेत्रमा अस्थिर भएको छ र पश्चिम र पूर्वी जापानमा भारी बर्षा गराउने बादल देखा परेको छ ।

अगाडिबाट उत्पन्न भएको चक्रवात पूर्वतिर बढ्ने बित्तिकै पश्चिमी जापान सहित पूर्वी र उत्तरी जापानमा १६ तारिख आईतबार देखी १७ तारिख अबेरसम्म मेघ गर्जन सहित भारी बर्षा हुनेछ ।

१७ तारिख सोमबार बिहानसम्म २४ घण्टामा वर्षाको मात्रा उत्तरी क्युशुमा १८० मिलिमिटर, दक्षिणी क्युशुमा १५० मिलिमिटर, तोहोकुमा १२० मिलिमिटर र चुगोकु क्षेत्र र होकुरीकुमा १०० मिलिमिटर पर्ने अनुमान छ ।

त्यस पछि १८ तारिख बिहानसम्म २४ घण्टामा वर्षाको मात्रा क्युशुको उत्तरी र दक्षिणी भागमा १०० मिलिमिटरदेखि १५० मिमी र होकुरीकु क्षेत्रमा ५० मिमीदेखि १०० मिलिमिटर पर्ने अनुमान छ।

जापान मौसम एजेन्सीले भारी वर्षा, डुबान र नदीहरूको बाढीको कारण खोला तथा नदि किनार प्रकोपको चेतावनी दिएको छ ।

पश्चिमी जापानका विभिन्न भागहरूमा मौसम असामान्य रहने र भारी वर्षाको मौसम नजिकिँदै गरेको समेत एजेन्सीले जनाएको छ ।

भारी बर्षाको सम्भावना रहेका क्षेत्रहरुमा जोखिमको नक्सालाई हेरेर र निकासको गन्तव्यलाई विचार गरि तयारी गर्न समेत मौसम एजेन्सीले आग्रह गरेको छ ।